சொல்ல விரும்பாதவை - 03-01-2009

யாரோ ஒருவர் செத்துப்போனார்...
ஏதோ ஒரு குடும்பத்தில் இழவு விழுந்திருக்கிறது
இன்னொரு சின்னப்பிள்ளை கைசிதறி விழுந்திருக்கிறது
அதற்கொரு தாய் அழுது கொண்டிருக்கிறாள்
அவள் புருஷனை எப்பொழுதோ புதைத்தாயிற்று
அடையாளம் காணப்பட முடியாத வளவொன்றில்!
திருப்தியான பொருளாதாரம் தேடிப்பார்த்தாலும் தெரியவில்லை...
தேகம் சாதாரணமாய் சந்தைக்கு வருகிறது!
பௌத்தம் காவிக்குள் சுருண்டு கொள்கிறது...
பதவி நினைத்ததை செய்கிறது!
-

இடைக் குறிப்பு:

எதுக்கிந்த யுத்தம் மச்சான்...

நீயும் நானும் சிங்களம்-தமிழ் என்னோட உனக்கு தண்ணி அடிக்க ஏலும்,என்னோட வேலை செய்ய ஏலும்,ஏன் என்ர ஊர் பெட்டையை கலியாணமும் கட்ட ஏலும் ஆனா மச்சான் என்ரை உரிமைல உன்னால கை கைவக்க ஏலாது!

-
புத்தாண்டு பிறந்திருக்கிறது கொண்டாடுகிறேன்
அல்லது கடமைக்கு வாழ்த்து சொல்கிறேன்...
அங்கே ஓரிடம் அகப்பட்டு விட்டது...
இங்கே அதற்கொரு கொண்டாட்டம்!
எனக்கு பசிக்கிறது நான் சாப்பிடுகிறேன்...
எனக்கு வருகிறது நான் போகிறேன்!
என்னிடம் இருக்கிறது நான் செய்கிறேன்..
எனக்கு தோன்றுகிறது நான் எழுதுகிறேன்!
.............எழுதுகிறேன்...
ஈழம்..... சிங்களம்..... அரசியல்
மஹிந்த.....கிளிநொச்சி...

என்ன...?!
மயிரு இழுத்து மூடிட்டு படு...
விடிஞ்சா சோத்துக்கு வழியப்பார்றா பு..



பின் குறிப்புகள்:

*
"அபே ரட்ட தெக்கட்ட கடன்ட தென்நா" - எங்கடை நாட்டை இரண்டா பிரிக்க விடமாட்டம்
*
இலங்கை எங்கட நாடு அதில எங்க வேணுமெண்டாலும் யாரும் இருக்கலாம்-
*
"பிரபாகரன் ரஸ்தவாதி" - பிரபாகரன் தீவிரவாதி
*
"தெமிழ கட்டிய மொளே நத்தி கட்டிய"- தமிழ் ஆக்களுக்கு மூளை இல்லை...
*
"மம பஹாட்ட கலிங் யன்டோன எக்கனைக்குட்ட பன்சியாய்"- நான் அஞ்சு மணிக்குள்ள போகவேணும் ஒரு ஆளுக்கு ஐநூறு ரூபா!

சொல்ல விரும்பாதவை 28-10-2008

கருத்துச்சுதந்திரம் இருக்கிறது
என்னிடம் கணினி இருக்கிறது
இணைய வசதி இருக்கிறது
சமைத்துப்போட ஆள் இருக்கு அல்லது
சாப்பிட வசதி இருக்கு
தேவையென்றால் டாஸ்மாக் இருக்கு!
அவசியமென்றால் அவளை அழைக்கலாம்
பொழுது போகவில்லையென்றால் எழுதலாம்!
சிலருக்கதை புழுகலாம்...
ஆகவே...

பார்க்க விரும்பாத படங்கள்...!

ஜப்பானின் படங்களை பதிவாக்கிய அடுத்த நாளே இந்தப்படங்களை பதிவாக்க வேண்டும் என்று நினைத்திருந்தேன் அப்பொழுதிலிருந்த மனோ நிலையில் பதிவாக்கத்தோன்றவில்லை. கிட்டத்தட்ட இருபத்தி ஒன்பது படங்களை பல தளங்களில் இருந்து தரவிறக்கி வைத்திருந்தேன்,இன்று அவற்றை சிலருக்கு மின்னஞ்சலும் செய்திருக்கிறேன்.

அப்பொழுதுதான் பதிவாக்கலாம் என்கிற எண்ணத்தையும் செயல் படுத்தலாம் என்று தோன்றியது.

படங்களை பார்க்கும் பொழுது தோன்றிய என் பல விதமான சிந்தனைகளையும் குறிப்புகளாக எழுதினாலே அது ஒரு புத்தகம் அளவுக்கு நீளும் என்பதால் படங்கள் மட்டும்

வன்னியில் எடுக்கப்பட்ட படங்கள்.தற்பொழுது நிலமை மேலும் கவலைக்கிடம்.










































போதுமடா சாமிகளா இலங்கை படும் பாடு...!

பின்குறிப்பு அல்லது குமுறல்:

1)"மச்சான் லங்காவே ஜெயசூரியா நத்தங் பா மச்சான்"

2)"நாங்கள் ஐடியா கப்பும் பாத்தம்...மென்டிஸ் சுப்பர் போலிங் மச்சான்"

3)நான் இருக்கிற இடத்தில் எனக்கு இணையம் பயன் படுத்தக்கூடிய வசதி கிடைத்திருப்பதனாலலும் என்னிடம் வாசிக்கிற பழக்கம் இருப்பதனால் நான் சில நாட்களில்; தேவையான அல்லது குறிப்புகள் எடுக்க வேண்டிய ஏதாவது இருந்தால் அவற்றை பிரதி எடுத்து சென்று அறையில் வைத்து படிப்பது வழக்கம் என்பதனாலும் என்னிடம் தம்பி நாட்டு நிலமைகள் எப்படி என்று கேட்கிறவர்களுக்கு நான் சொல்லுகிற பதில் "அண்ணன் நான் அதுகள் பாக்கிறல்லை அண்ணன்"

சொல்ல விரும்பாதவை - 12.08.08

ஒரே பேரூந்தில் பிரயாணம் செய்கிறோம்

ஒரே அலுவலகங்களில் பணி செய்கிறோம்

ஒரே பல்கலைக்கழகங்களில் படிக்கிறோம்

கடிதப்போக்கு வரத்து இருக்கிறது

மின்னஞ்சல் பரிமாற்றங்களும் உண்டு

தொலை பேசி வசதிகள் இருக்கிறது

பணம் கொடுத்து வாங்கப்படுகிறது

கடைகளில் உட்காந்து சாப்பிட முடிகிறது

கூட்டங்கள் கலை நிகழ்ச்சிகளில் கலந்து கொள்கிறோம்

எல்லாமும் நடக்கிறது

ஆள்கடத்தல்,குண்டு வெடிப்பு

காணாமல் போதல், தாக்குதல்கள்

இடப்பெயர்வு இவைகளோடு!

சொல்ல விரும்பாதவை - 10.08.08

கொம்பனித்தெருவை

சுத்தப்படுத்தியிருக்கிறார்கள்

பத்து ரூபாவைக்காட்டி பிச்சைக்காரார்களை

அப்புறப்படுத்தியிருக்கிறார்கள்

சொறி நாய்களை பிடித்து அடைத்திருக்கிறார்கள்

சார்க் மாநாடு நடத்தி முடித்திருக்கிறார்கள்..

கோவணத்ததை கழுவி

கொடியா ஏத்தினாலும்

கோவணம் கோவணம்தானே...

கும்பிடுவதற்கு விரும்பினால்

தொணடர்கள் கிடைக்கலாம்

நம்புவதற்கு...